КОРАДОДЬ, СЕРА ДОДЬ

Йиӧн юяссӧ-ёльяссӧ дорис,
Еджыд прӧшвиӧн гартыштчис вӧр.
Еджыд вӧвъяссӧ турӧблысь кори,
Кодъяс локтісны йирсьыны бӧр.

Корадодь, сера додь
Лэбӧ еджыд юсьыс кодь.
Доддяс ми — ки на ки,
Миян сьӧлӧм пытшкын би.

Гӧгӧр восьсаӧсь потшӧсъяс, йӧръяс,
Кытысь вотлім и ӧмидз, и чӧд.
Мыйла буретш да тэнӧ ме бӧрйи,
Коркӧ висьтала, ӧні ог тӧд.

Мед и абу кӧ таланьын мортыс,
Мед и аддзысьыс некод оз пет.
Бӧрти бергӧдам вӧвъяссӧ гортӧ,
Ӧні кытчӧкӧ тӧвзьӧны мед.