КӦКЫС КӦКӦ НА

Бура ылын на кытӧнкӧ арыс,
Кор тай ымралӧ пелысьлӧн роз.
Кӧкыс кӧкӧ да шондӧдас бара,
Банъяс вӧлисти керӧсын оз.

Кӧкыс кӧкӧ на, кӧкӧ,
Лӧсьыд овнысӧ тай.
Кӧкыс кӧкӧ на, кӧкӧ,
Коркӧ аддзысям вай.

Вомын мырпомыс сылӧмӧн сылӧ,
Вота-вота, да ньӧти оз сод.
Кыськӧ матіысь тэнӧ ме кыла,
Лок да ме дорысь гырысьсӧ вот.

Лэбзьӧ кок улӧ дзоридза нӧрыс,
Шонтӧ сьӧлӧмӧс бобула мич.
Коркӧ чӧскыда окасьӧм бӧрын
Мед и катласяс сэтӧра видз.