* * *

Мый нӧ дузъялан, мый нӧ лёкалан?
Еджыд морӧстӧ вайлы окала.
Зэлыд нёньястӧ вайлы кутышта,
Медым сьӧлӧмыд быдсӧн сувтыштлас.

Вайлы видзӧдла гӧгӧр лӧсьыда,
Медым кольмӧдас, медым пӧсьӧдас.
Меным шондіыс ӧти петӧма —
Енмыс тэнӧ ӧд сӧмын сетӧма.

Петас миянлы асъя кыаыс,
Луныс миянлы мелі шыаыс.
Юргас миянлы гажа сьыланыс,
Енэж горулас гӧгӧр кыланыс.

Мый нӧ дузъялан, мый нӧ лёкалан?
Зэлыд нёньястӧ вайлы окала.
Вай жӧ бара на тэкӧд ылалам,
Кытчӧ визулыс, сэтчӧ-й кылалам.