ВАНЬКА ВИЗЛАЧ

Ванька визлач, Ванька визлач —
Визув юын визув косьт.
Коркӧ волі татчӧ изла,
Да эг медся бурсӧ босьт.

Сійӧ меным талун сюрис,
Лоис чӧскыд пывсян гор.
Абу тшына, абу курыд —
Ловтӧ небзьӧданатор.

Югдіс чужӧм, бурмис сьӧлӧм,
Кодлы колӧ — водзӧ кой!
Зэв на лӧсьыд овны вӧлӧм,
Абу весиг ӧти дой.

Ворсӧ гудӧк, бара сьылам,
Сьӧлӧм шӧрысь петӧ мый.
Кытчӧ лэбзян, мича нылӧй,
Мыйла некоді оз кый?

Ванька визлач, Ванька визлач —
Визув юын визув косьт.
Тэ кӧ ветлан сэтчӧ изла,
Медся мичасӧ жӧ босьт.