НЫВЛӦН ШОГ

Зэв тай ӧдйӧ арыс воис,
Плавгис пельпом вылӧ шаль.
Мыйкӧ гажтӧм меным лоис,
Кольӧм томлунӧй зэв жаль.

Кельдіс менам пӧлӧзнича,
Пемдіс менам тувсов вой.
А ӧд вӧлі вель жӧ мича,
А ӧд вӧлі вель жӧ збой.

Ӧти зон тай паныд лоис,
Паныд лоис да эз кеж.
Сьӧлӧм вылӧ ёна воис,
Некод вылӧ эг и веж.

Зэв тай ӧдйӧ арыс воис,
Плавгис пельпом вылӧ шаль.
Этша гажӧдчӧма лоис —
Тайӧ меным медся жаль.