МУСУКӦЙ ДАЙ МУСАӦЙ

Мусукӧй дай мусаӧй,
Тӧдана и гусяӧй.
Мӧдар помын олысьӧй,
Таладорӧ волысьӧй.

Тэ тай, пиӧ, ылӧдчан,
Кор нӧ мелань кылӧдчан?
Гажӧй ёна бырӧма,
Юрӧ тӧлыс пырӧма.

Кытчӧ нӧ тэ саялін,
Керка кер мӧй ваялін?
Тшуп вай куим судтаӧс,
Ыджыдӧс да шудаӧс.

Ӧти судта — миянлы,
Мӧдӧд судта — пиянлы,
Коймӧд судта — нывъяслы,
Кильчӧ вылыс — сывъясьны.

Сё зӧлӧта мусаӧй,
Вӧрсаӧй и юсаӧй.
Кытчӧ нӧ тэ ылалін,
Кодарӧ нӧ кылалін?