ТАТШӦМӦСЬ ЖӦ ВӦЛІНЫ

Мед эз бызды, быгӧртӧ
Енэжсӧ вӧр йыв.
Чужан муӧс шыгыртӧ
Гажа сьыланкыв.

Кывтыдӧ ли катыдӧ
Сӧмын ӧти туй.
Лэччӧдас ли катӧдас,
Оз кӧ бокӧ сюй.

Кыськӧ жытник пельӧсыд
Сюртӧг оз на ов.
Окыштчылан делӧсьыд
Сӧмын югдӧ лов.

Морӧс пытшкыд шоналӧ,
Бергӧдчыштӧ юр,
Чужӧмбаныд доналӧ —
Ёна жӧ и бур.

Кӧть и ӧні ӧлӧны,
Мед эг воштӧй сям,
Татшӧмӧсь жӧ вӧліны
Коркӧ бать да мам.