* * *

Ям нин, ям нин, парма юӧй,
Кылӧд, кылӧд уна ва.
Шупав, шупав, градйӧй-муӧй,
Регыд тэнӧ гӧрӧда.

Донав, донав, пывсян горйӧй,
Шонав, шонав, струба ва.
Небзьы, небзьы, корӧсь корйӧй,
Гӧрысьсӧ ме пывсьӧда.

Ломзьы, ломзьы, свода пачӧй,
Ӧда бисӧ вӧчлы на.
Пӧжав, пӧжав блинсӧ, рачӧй,
Гӧрысьсӧ ме чӧсмӧдла.

Быгзьы, быгзьы, чӧскыд сурӧй,
Гӧрысьсӧ ме юктӧда.
Думайт, думайт, менам юрӧй —
Вӧтла али узьтӧда?