ТЭ ТАЙ МЕНЫМ МУСА ЛОИН

Арся ванас вель на ӧда
Сэтӧр дзуӧн тырӧм ёль.
Сӧмын Тэа-меа тӧдам,
Сэтӧр розъяс кымын моль.

Сьӧкыд вужйыс мулань нёрӧ,
Но оз дозным миян тыр.
Матыстчылан керка дорӧ
Да мый пытшкӧсас он пыр?

Буретш вотчынысӧ воим —
Оз на киссьы, абу-й кын.
Тэ тай меным муса лоин,
Он нин окыштӧмнад мын.

Сӧмын Тэа-меа тӧдам,
Сэтӧр розъяс кымын моль.
Вай жӧ гортлань сэсся мӧдам,
Эз кӧ вӧрас нинӧм коль.