СЬӦЛӦМ ӦЗТАН РӦМ

Ывла вылын тулыс,
Дзоридзалӧ льӧм.
Киссьӧ ӧшинь улӧ
Сьӧлӧм ӧзтан рӧм.

Бура дыр нин ола
Ачым нисьӧ мӧд.
Коді меным колӧ,
Тӧда да ог тӧд.

Кодлы ачым кола,
Нинӧм жӧ оз шу,
Оз ӧд весиг волы,
Гуляйтнысӧ ну.

Бура дыр нин усьӧ
Вижа-гӧрда кор.
Ӧти-ӧти тусьӧн
Зэрӧ водз и сёр.

Эз тай, кыдзи луныс,
Кӧдзав менам лов.
Нылыдлы пӧ шуны
Первойӧн оз ков.

Ӧшинь улын би да,
Сьӧлӧм пытшкын би.
Ёна жӧ и вида,
Аддзысям кор ми.