ЛЬӦМ ТУСЬ СИНМА МУСУК

Менам вӧлі мусук льӧм тусь синма,
Кутшӧм нимыс, некодлы ог висьтав.
Кута вӧлі матыстчыны дінас,
Быттьӧ чӧскыд кампет дінӧ письта.

Сійӧ платтьӧ кокчӧрйӧдзыс новліс —
Еджыд чутъяс лӧзов ситеч вылын.
И кор сылӧн кыпыд вӧлі лолыс,
Ӧттор-мӧдтор лӧсьыдика сьыліс.

Коркӧ мамыс окасигӧн суис,
Абу сэки пукавсьӧма чӧла.
Коркӧ сэсся батьыс меным шуис:
Мед пӧ, пиӧ, гӧтрасьӧма вӧлі.

Тулыс вӧлі, шонді дзирдсӧ койис,
«Классӧ пырӧй!» — кодкӧ кылӧ долис.
Вийӧр борд моз ӧвтыштчисны вояс,
Мед и сӧмын окыштчӧмӧн колис.