ВОТЧИ ДА, ВОТЧИ ДА

Ветлі да, ветлі да раскӧдыс дыр,
Вотчи да, вотчи да — дозйӧй эз тыр.
Петі да, петі да гортланьӧ бӧр,
Ӧдва ӧд, ӧдва ӧд помасис вӧр.

Видіс да, видіс да, локті да, мам:
Абу пӧ, абу пӧ тэнад тай сям.
Мӧдысь пӧ, мӧдысь пӧ ӧтнад эн мун,
Вӧрас пӧ, вӧрас пӧ кутасьӧ тун.

Некутшӧм, некутшӧм туныс эз вӧв,
Мусакӧд, мусакӧд пукыштім чӧв.
Бырӧ нин, бырӧ нин этшаник чӧд,
Вота на, вота на, эг на ӧд пӧт.