БӦРЪЯ УЖЫН

Зэв бур, мый тыртӧм ресторан —
Оз зыкыс жугӧд юрӧс.
И тэсянь кокни кывны тан,
Мый китӧ корысь сюрис.

Ен сыкӧд, пукыштам на вай
Да бӧръя ужын сёям.
Ме татшӧм ӧдйӧсӧ эг чайт,
Мый котӧртасны вояс.

Тэд аттьӧ, локтін татчӧ мый
Да нулін тувсов йӧрӧ...
Ме тэныд морӧсад ог лый
И некыдзи ог вӧрӧд.

Мый вӧліс — тӧдам кыкӧн мед,
Мый вӧчан — аслад делӧ.
И збыльысь мортыс колӧ тэд —
Ме век на сьӧдас кела.