* * *

Тэ кӧть эськӧ жалитыштін, ёртӧй,
Ме ӧд сэсся некодлы ог ков.
Тэ — дзик ӧтнад вӧльнӧй светын мортыс,
Коді менсьым шонтыштлӧ на лов.

Локлы татчӧ, пидзӧс вылам пуксьыв,
Тупльӧс чуньнад юрси пытшкӧд мун.
Ӧти шудыс кыклы вылӧ юксьӧ,
Ӧти воас кодыр ӧти лун.

Нинӧм меным, нинӧмсӧ эн висьтав,
И ме тэныд нинӧмсӧ ог шу.
Пелысь вылас сулӧдӧмсӧ кисьтав,
Но эн ю, и ачым ме ог ю.

Нэмсӧ помнит, нэмсӧ помнит, ёртӧй,
Кодӧсь вӧлім винатӧгыс кор...
Ӧтнад колин вӧльнӧй светас мортӧн,
Коді шонтӧ менсьым сьӧлӧм дор.