ПЕДӦР АННА

Мича жӧ и Педӧр Анна,
Кӧть и ситеч сарапана.
Олӧ-вылӧ кывтыд помас —
Шондібана, ӧмидз вома.

Енэж синма, шабді юра,
Чӧскыд ырӧша да сура.
Кыпыд лола, сьӧлӧм жара,
Югыд бана самӧвара.

Лӧсьыд нюма, мелі кывъя,
Небыд киа, шоныд сывъя.
Кыдз пу статя, парма кӧра,
Ставыс аслас, ставыс сьӧрас.

Видзӧдыштан, кыдзи мунӧ,
Ставыс ӧти здукӧн вунӧ.
Кодлы бара сійӧ сюрас,
Кодлӧн бара кольмас юрыс?

Олӧ-вылӧ кывтыд помас
Уна мичаыс да томыс.
Медся мича Педӧр Анна,
Кӧть и ситеч сарапана.