МИЯН ГАЖ

Нолтӧ, киад гудӧк босьтлы,
Нолтӧ, котралас мед чунь.
Кодкӧ век нин вомсӧ восьтлас,
Синсӧ асылӧдз оз кунь.

Нолтӧ, «Шондібансӧ» няртам,
Сійӧс йӧктывлім ми вок.
Кодкӧ пидзӧсъясас вартас,
Джоджӧ печатайтас кок.

Мыйся олӧм, кын кӧ сьӧлӧм,
Вомыд нюмысь кӧ оз пот?
Видзӧд, видзӧд: оз жӧ, вӧлӧм,
Весиг пӧльным миян чот.

Сяркӧд, сяркӧд! Ӧдйӧ сяркӧд,
Чуньыд ассьыд на мед сюсь!
Кутшӧм сьылӧм, абу жар кӧ,
Кутшӧм йӧктӧм, он кӧ усь?!