МИЧА КЕРКА

Сьӧмыс этша вӧлі зептын,
Уна вӧлі вой да лун.
Керка мичаникӧс лэпті,
Завидьяслысь вошті ун.

Ӧттор-мӧдтор ачым кужа,
Тӧда, кӧні дін да йыв.
Уна кывбур сэн мед чужас,
Артмас уна сьыланкыв.

Оз нин сэсся йӧзыс шуны,
Ручка легӧдіс пӧ пыр.
Мӧдар югыдӧ кор муна,
Век нин челядьӧйлы жыр.

Мед и мыйта олӧ-олӧ,
Кытчӧдз бок вылас оз пӧр.
Ёртъяс, гӧститнытӧ волӧй,
Код оз волы — сылы ньӧр!