ВИСЕР ВОЖЫН

Тіянын кӧ гӧтырпуыд бырис —
Висер вожын мича нылыд тырыс.
Ачым сэтысь зӧлӧтаӧс корси,
Майбыранӧй, эг тай меӧй сорсьы.

Ок и шань да мича гӧтыр сюрис,
Менлы вылӧ абу сыысь бурыс.
Быдтор вылӧ судзсьӧ-тырмӧ сямыс,
Ставсӧ вӧчны велӧдлӧма мамыс.

Ок и лючки сыкӧд олам-вылам,
Быттьӧ гажа праздник дырйи сьылам.
Пыдди пукта Висер вожса мусӧ,
Пиӧй сэсь жӧ бӧръяс гӧтырпусӧ.