* * *

Коркӧ вӧлі мичаӧн да томӧн,
Веськыдавлі рытсӧ потшӧс вомӧн.
Гудӧк кудйысь эзысь шыяс кисьтлі,
Мича нывлӧн морӧс пытшкӧ письтлі.
Медся муса мортӧн сійӧс шулі,
Катыд помӧ номйӧс вердны нулі.
Чӧскыд вомсӧ самасьӧмӧн нювлі,
Ӧти здукӧн ловзьылі и кувлі.
Кадсӧ тайӧс помасьны эг чайтлы,
Дзик ӧд йӧй на вежӧрыд дас квайтын.
Вӧлі, вӧлі бура важӧн томӧн,
Лэблі сизим судта потшӧс вомӧн.