* * *

Кор мен вӧлі сӧмын арӧс,
Потан пытшкын олі чӧв,
Ог и вӧлі лёкысь чарӧст,
Медым кисьтыштісны йӧв.

Кор мен вӧлі сизим арӧс,
Кодкӧ шуліс: дзик пӧ йӧй —
Бона вывсянь кыйи арӧс,
Муртса, коньӧрӧй, эг вӧй.

Кор мен тырис дас вит арӧс,
Эз жӧ мывкыдлунӧй пет:
Сеті сылы сьӧлӧм жарӧс,
Коді водзӧссӧ эз сет.

Кор мен лоис комын арӧс,
Эз жӧ юрӧ нинӧм во.
Гӧтыр пуксис гортын сарӧ,
А эг ачым сыӧн ло.

Регыд ветымын нин арӧс,
Сӧмын юрам век на тӧв.
Нинӧм ёнасӧ ог гарав,
Ола гӧлиника чӧв.

Кор мен точкас кыксё арӧс,
Ог жӧ, кӧнкӧ, лолы сюсь.
Со тай, йӧйыд, гижа бара,
Дорвыв витӧд вой ог узь.