ЭМӦСЬ МУ ВЫЛАС МИ

Сьылӧ на век визув гӧгыля ёльыс,
Вӧсни на зэв берег пӧлӧныс йи.
Пелысьсӧ тась жоньыс кокавтӧг колис,
Волім да мед вӧчим сикӧтшъяс ми.

Припев:

Эм на сьӧлӧмын би,
Абу радейтны сёр.
Эмӧсь му вылас ми,
Кор нӧ аддзысям, кор?

Сэтӧр на эм ӧти тусьӧн да мӧдӧн,
Лежнӧгыс тыр, сійӧс некод эз вот.
Регыд нин зэв ставыс лым улын пӧдас,
Пестытӧм би тан оз шонты ни сот.

Припев.

Регыд нин зэв йиӧн поньтасяс ёльыс,
Медым и тшӧтш менам поньтасяс шог.
Мыйла нӧ ме татчӧ ӧтнамӧн коли,
Эн ӧмӧй тэ вотны ӧмидзсӧ лок?

Припев.