ЖОНЬЫС ПЕЛЫСЬСӦ КУШӦДЗ КОКАЛІС

Жоньыс пелысьсӧ кушӧдз кокаліс,
Ньӧти абу нин биа моль.
Коркӧ пӧттӧдзым тэнӧ окавлі,
Талун нинӧмыс мен эз коль.

Метӧг свадьбаыс ызгис-кодаліс,
Лун эз тырмы да, нӧшта вой.
Ылын локнысӧ вӧлі подалы,
Пӧжны кольӧма сӧмын дой.

Чӧскыд винасӧ эськӧ кисьтӧны,
Да оз примит тай ньӧти лов.
Кӧсйи эськӧ на мыйкӧ висьтавны,
Да оз, буракӧ, нинӧм ков.

Жоньыс пелысьсӧ кушӧдз кокаліс,
Ньӧти абу нин биа моль.
Коркӧ пӧттӧдзым тэнӧ окавлі,
Ӧні нинӧмыс мен эз коль.