КОДІ МЕНӦ ДЭЛЬӦДІС

Асъядорса кельыдыс —
Мича рӧм.
Коді менӧ дэльӧдіс —
Гӧтыртӧм.

Видзӧдліс да — пӧсялі,
Ышмис лов.
Миян эськӧ лӧсяліс
Нянь да сов.

Да ӧд мӧдлы шуалӧ
Мусатор.
Да ӧд мӧдлысь юалӧ,
Волас кор.

Ленточкасӧ, алӧйсӧ,
Мен оз сет.
Песласӧ ни валасӧ
Мен оз пет.

Кӧтісӧ ни тюнисӧ
Мен оз вур.
Сёйнысӧ ни юнысӧ
Мен оз сюр.

Рудзӧгсӧ ни шобдісӧ
Мен оз кӧдз.
Кӧдзыдсӧ ни шоныдсӧ
Мен оз вӧч.

Гудӧкыс ни пӧляныс
Мен оз кыв.
Йӧртӧмнас ни вӧлянас
Ме ог сьыв.