ПЕТІ ГОРТЫСЬ ДА...

Петі гортысь да, пыр и ылалі,
Пукси пыжӧ да век на кылалі.
Кутшӧм баддьӧ нӧ пыжӧй крукасяс,
Кутшӧм берегӧ сійӧ люкасяс?

Олӧ ӧтарас вӧрӧ кайысьыс,
Зверӧс-пӧткаӧс гортӧ вайысьыс.
Олӧ мӧдарас вӧрысь кыйысьыс,
Зверӧс-пӧткаӧс сюся лыйысьыс.

Чечча ӧтарас — кувтӧдз красуйтча,
Чечча мӧдарас — помся радуйтча.
Петі гортысь да пыр и ылалі,
Татшӧм регыдик мӧй и нылалі?