МЕНАМ БАТЬӦЙ, МУСА БАТЬӦЙ

Менам батьӧй, муса батьӧй
Война вылысь эз и лок.
Сьӧлӧм дінӧс лэчыд пратьӧн
Вундӧ помасьлытӧм шог.

Менам дядьӧй, дона дядьӧй
Война вылысь эз и во.
Гылыд даддьӧй, кокни даддьӧй
Сылӧн вӧчӧмыс на со.

Ме войнасӧ, сьӧд войнасӧ,
Том на вӧлі да, эг су.
Аски шондібана асыв
Бара чужтас парма му.

Менам пиӧй, муса пиӧй
Эз на армиясьыс лок.
Эн жӧ сійӧс менсьым виӧй —
Мамыс кулас, ме кӧ ог.