МАМ ЙЫЛЫСЬ СЬЫЛАНКЫВ

Артмис сьыланкыв да сьыла,
Сійӧ ылӧсас эз чуж:
Аслам сьӧлӧм пытшкысь кылі,
Сэні вӧлӧм сылӧн вуж.

Припев:

«Медся зіль да медся шань
Менам мамӧй — коми ань».
Татшӧм менам сьыланкыв,
Зэв ӧд кокни, тшӧтш вай сьыв.

Тужа-нужасӧ оз казьтыв,
Водзӧ лоансӧ оз тӧд.
Эз и ньӧти видзышт асьсӧ,
Коркӧ тшыг да коркӧ пӧт.

Припев.

Воськовтӧма кильчӧ вылас,
Уджыд сылы век тай эм.
Енмӧй, тэ кӧ менӧ кылан,
Сет вай мамӧлы кузь нэм.

Припев.