СИНВА

Миянӧс озырӧн шуӧны,
Шаньӧсь пӧ комияс — дольӧны,
Кытчӧкӧ ставсӧ дзик нуӧны,
Лӧпсӧ да паличсӧ кольӧны.

Припев:

Куйлӧ сӧмын асланым
Парма шӧрын еджыд лым.
Сійӧс некод на оз ну,
Радлы, дона чужан му.

Кортӧмъяс быдлаысь воисны,
Гортаным яндысьтӧг пырисны.
Юясным кушӧсь дзик лоисны,
Ягъясным-расъясным бырисны.

Припев.

Озыра, пӧтӧса олӧны
Миянӧс грабитысь сюсьясыс.
Бӧръяысь, гашкӧ нин, волӧны
Комиӧ дзодзӧгъяс-юсьясыс.

Припев.