АСЛАНЫМ СЬЫЛАНКЫВ

Вӧляа, кыпыда

Кодъяс нӧ косанас ӧвтӧны?
Кодъяс нӧ зорӧдсӧ чӧвтӧны?
Асланым мусаник зонъясыс,
Асланым зӧлӧта донъясыс.

Кодъяс нӧ турунсӧ куртӧны?
Кодъяс нӧ лёдзьяссӧ сюртӧны?
Асланым мичаник нывъясыс,
Асланым небыдик сывъясыс.

Кодъяс нӧ пармаас кайӧны,
Зверсӧ да пӧткасӧ вайӧны?
Асланым мусаник зонъясыс,
Асланым зӧлӧта донъясыс.

Кодъяс нӧ пывсянсӧ ломтӧны?
Кодъяс нӧ керкасӧ шонтӧны?
Асланым мичаник нывъясыс,
Асланым небыдик сывъясыс.

Кодъяс нӧ гудӧкнас няртӧны,
Кокнаныс кӧлачьяс гартӧны?
Асланым мусаник зонъясыс,
Асланым зӧлӧта донъясыс.

Кодъяс нӧ тадзисӧ сьылӧны,
Кывтыдсянь катыдӧдз кылӧны?
Асланым мичаник нывъясыс,
Асланым небыдик сывъясыс.

Кодъяс нӧ зӧлӧта донъясыс? —
Асланым мусаник зонъясыс.
Кодъяс нӧ небыдик сывъясыс? —
Асланым мичаник нывъясыс.