ПОМЕЧВӧляаТітши-тотши, Тітши-тотши — Керка тшупим, котшкӧдім. Діныс тані, йылыс сэні — Пожӧм керсӧ бергӧдлім. Гили-голи, гили-голи — Срубйысь керсӧ гылӧдім. Ува-ава, ува-ава — Помеч вылӧ петавлім. Кума-кама, кума-кама — Стенсӧ лэптім-кыпӧдім. «Раз-два взяли! Раз-два взяли» — Князьсӧ-керсӧ качӧдім. Тупи-тапи, тупи-тапи — Пӧчӧ воліс, дзӧръяліс, Ыши-паши, ыши-паши — Вина штопсӧ кыпӧдіс. Ызі-базі, Ызі-базі Помеч сёйим-таркалім, Пиньяс костысь чери лысӧ Куим лун на перъялім.
