ПЕТУК

Колхоз на коркӧ миян сиктын вӧлі,
И курӧг видзан ферма кутіс пред,
Но бырӧдісны сійӧс ӧти тӧлын,
Яй сдайтан планныс лючки тырис мед.

Дзик ӧтнас петук сӧмын пуртысь мыніс,
Эз сетчы некыдз кутны лапъя сорс,
А эськӧ пусис кучикнас и лынас
И некор сэсся курӧгкӧд эз ворс.

Правленньӧ шуис: ловйӧн кӧ пӧ колис
Да миян тусьӧн сылӧн зобйыс тыр,
Пӧжарник Васьлы медым кадсӧ доляс,
Код дышмис дзикӧдз, кутіс узьны пыр.

Пӧжарник миян дошлӧй мортыс вӧлі,
И мед эз торкны сылысь чӧскыд ун,
Гӧрд сорсӧс кыдзкӧ кутіс керка пӧлысь
Да пыртіс ылі вӧрӧ быдса лун.

И ӧнӧдз сэні петукыс пӧ олӧ,
Ме ачым кывлі, кыдзи горзіс дыр,
И петук бӧжа дозмӧр матӧдз воліс,
И петук сорса сьӧла вӧлі тыр.