АФГАНИСТАН БӦРЫНЭз Афганысь, а Ростовысь, Эм жӧ кӧн служивӧй морт, Бара Эжва йылӧ воис Цинкысь дорӧм сьӧкыд горт. Бара бӧрдны чужан мулы, Сідз нин ӧдва ловъя кор. «Ачыс лыйсис караулын», — Батьлы юӧртіс майор. Кыдз нӧ батьыд эскас талы?.. И кор муніс локтӧм морт, Гортсалы да матыссалы Восьтіс ылысь вайӧм горт. Ӧтчыд лыйис пӧ, а едіс Морӧс вылас куим розь... Кодлӧн гыжъясӧ нӧ шедім? Нинӧм вӧчны мӧй оз позь?
