ВЕТЕРАНЪЯС СЬЫЛӦНЫ

Ветеранъяс сьылӧны,
Гӧлӧс абу жаль.
Тырыс морӧс выланыс
Орден да медаль.

Кодкӧ врагӧс ойкӧдіс,
Кодкӧ лэдзис кер,
Кодкӧ эжа ройкӧдіс,
Кодкӧ кутіс чер.

Олӧм йирис-кокаліс,
Да эз дзикӧдз ви.
Муслун воліс, окаліс,
Вайліс сылан би.

Вӧчанторсӧ вӧчӧма
Бура уна тай.
Пӧльӧнас да пӧчӧнас
Олыштасны дай.

Сьывсьӧ на да, сьылӧны,
Нинӧм абу жаль.
Тырыс морӧс выланыс
Орден да медаль.