ЫДЖЫД МАМ

Ыджыд мамӧ, видза олан,
Вай жӧ петкӧдчыв кӧть здук.
Гашкӧ, мыйкӧ тэныд колӧ —
Зэв тай чужӧм вылад дзуг.

Часлы, тэныд вала ветла,
Пырта пес кӧть ӧти сыв.
Сэсся гӧликтӧ мен сетлы,
Чышкышта тшӧтш кильчӧ выв.

Муртса пызан сайысь петі,
Пирӧг-шаньгаяс эн вай.
Тэ ӧд меным вӧльнӧй светас
Сідзи дона, муса дай.

Муса, кыдзи ваыс-вӧрыс,
Кыдзи лӧсьыд сьыланкыв.
Вай жӧ, чайсӧ юӧм бӧрын,
Ассьыд медмусатӧ сьыв.

Эн на висьӧмыслы сетчы,
Вермӧдчы да, дыр на ов,
Кильчӧ поскӧдыд кор лэчча,
Медым радліс менам лов.