* * *

Шондібана тулысъяс чужан муӧ волӧны,
Паськыд гажа улича гудӧкасьӧ дыр.
Ӧта-мӧдсӧ корсьӧны кодъяс кодлы колӧны,
Эз на ыджыд муслуныс енэж улысь быр.

Шондібана нывъясӧс том баяръяс кыбӧны,
Сьыліс да мед лэбаліс колипкай моз лов.
Шондібана керкаяс чужан муын лыбӧны,
Ен ув пельӧс тшупысьыс бокиысь оз ков.

Шондібана кагаяс ӧшинь улын дурӧны,
Коркӧ-й найӧс кольмӧдас еджыд быгъя льӧм,
Коркӧ-й налы мусаяс чужан муысь сюрӧны,
Коркӧ-й найӧс шензьӧдас чужан мулӧн рӧм.

Шондібана тулысъяс чужан муӧ волӧны,
Паськыд гажа улича гудӧкасьӧ дыр.
Ӧта-мӧдсӧ корсьӧны кодъяс кодлы колӧны,
Эз на ыджыд муслуныс енэж улысь быр.