ДЖОДЖДӦРАОк и мича жӧ джодждӧра Уна визьӧн серӧдӧм! Сійӧ чужан мулӧн кӧра, Сэні чужан мулӧн рӧм. Зарни визьыс — сю, Кельыдлӧзыс — ю, Алӧйгӧрдыс — оз, Турунвижыс — коз. Мугӧмыс — сус коль, Сьӧдыс — сэтӧр моль, Еджыд визьыс — лым, Ставыс асланым. Гашкӧ, тайӧ абу дӧра, Гашкӧ, тайӧ — гожся видз, Коді чужан мулӧн кӧра, Кӧні чужан мулӧн мич. Гашкӧ, тайӧ — енэж шӧрас Ӧшкамӧшкаяса зэр, Коді чужан мулӧн кӧра, Кӧні чужан мулӧн сер.
