МИЯН СЬЫЛАНКЫВ

Ӧти сиктын олам-вылам,
Быдтор вӧчны тырмӧ сям.
Кодыр сьывсьӧ, сэки-й сьылам,
Кодыр колӧ — уджалам.

Визув юлӧн берег дорӧ
Пыдӧ лэдзим сирӧд вуж.
Чеччам водз да водам сёрӧн,
Пызан вывным абу куш.

Абу пӧлӧс потшӧс-майӧг,
Керка-карта лы кодь ён.
Уличын и ӧшинь сайын
Тырыс ныв да тырыс зон.

Быдӧн кодлыкӧ да колӧ,
Кывсӧ шуас да, оз дур.
Лӧсьыд эськӧ жӧ дай олӧм,
Мед и аски лоӧ бур.