МИЧАНИК ЛУН

Зэрнысӧ дугдӧма бӧр,
Ывлаын коддзӧдан кӧр.
Шедӧма пармалы ун,
Пуксьӧма мичаник лун.

Шондіӧн ойдӧма му,
Зарниӧн визувтӧ ю.
Бара на енэжыс лӧз,
Бара на радлӧны йӧз.

Тайӧ ӧд шудыс и эм!
Дженьыд жӧ мортыдлӧн нэм.
Синваӧй петӧ кӧ, — мед:
Кутӧдсӧ мамӧй эз сет.

Асьсӧ оз дзебасын видз,
Тыртӧ став ывласӧ мич.
Луныс моз шоналӧ лов,
Майбырӧй, радлы да ов!

Ӧтчыд кӧ сетӧма нэм,
Ӧтчыд кӧ-й свет вылас эм,
Медым и енэжыс лӧз,
Медым и радлӧны йӧз.