ТУРУН ДОДДЯ

Енэж помӧ сатшӧм вӧр-пу йылас
Кодкӧ бипур дзоляникӧс пестіс.
Оз ӧд лымйыс енколасьыс гылав —
Лэптіс варыш байдӧгъясӧс эстысь.

Турун доддя пырӧ чужан сиктӧ,
Гожся кӧрсӧ вайӧ чӧскыд вылӧ.
Оз ӧд колип йизьӧм эрдас чиктыв —
Тайӧ Марья турун доддяс сьылӧ.

Сиктын зэв пӧ гӧтыртӧмыс уна,
Мен пӧ мырдӧн гӧтыраыс колӧ.
Тонӧ Ӧндрей Анна вала мунӧ,
Комын во нин верӧсыскӧд олӧ.