ЕДЖЫД МУЫН

Бара котралӧны тӧвъяс,
Лэчыд гӧлӧсныс оз кус.
Еджыд муын еджыд вӧвъяс
Кыпӧдӧны лым да бус.

Еджыд мусянь еджыд муӧ
Лэбӧ еджыд корадодь.
Сійӧ пуксяс еджыд юӧ
Дзик жӧ еджыд юсьыс кодь.

Сэтысь еджыд ӧшинь дорӧ
Пыртас еджыд нылӧс зон.
Еджыд енэж еджыд шорӧн
Кисьтас эзысь олӧм дон.

Водзӧ котӧртасны тӧвъяс,
Налы дзескыд еджыд йӧр.
Еджыд муын еджыд вӧвъяс
Коркӧ доддясясны бӧр.