ПЕЛЫСЯ ВӦРЫН

Би сюръяӧн качӧма пелыся вӧрыс
И ыпъялас, егыръяс ордйӧмӧн, дыр.
Кыз ӧгырыс чусалас Семён лун бӧрын,
Кор енэжыс ырзӧмӧн бӧрдас лунтыр.

Сьӧд тылаӧн тшынавны пармаӧй коляс,
И медым ме шогӧйла гортын эг кув,
Лым рокӧсӧн шляпитас вутшъяс и ольяс,
А сэсся и еджыдӧн мавтас быд ув.

Но тулысыс гӧгӧрбок коялас вижӧн,
И мыръясысь чепӧсъяс небыдик рос.
И сэки ме шоныдджык кывбуръяс гижа,
Мед енэжӧд шлывгыны дзодзӧгъяс моз.