* * *

Кытчӧкӧ шондісӧ нэм кежлӧ дзебисны,
Ляскысис му бердӧ турун и кор.
Турияс лэбисны, дзодзӧгъяс лэбисны,
Волялӧ эзысьӧн юыслӧн дор.

Регыд нин енэжыс лымъясӧн пыркалас,
Тыяссӧ, ольяссӧ поньталас йи.
Муыс моз, ваыс моз сьӧлӧмӧй ыркаліс,
Ёна кӧть ыпъялӧ пелысьлӧн би.

Коркӧ на тулыссӧ воӧмӧн шуасны,
Коркӧ на быгъялас дзоридзӧн йӧр.
Коркӧ на тэ дорӧ кокъясӧй нуасны,
Коркӧ на, верма кӧ, шонала бӧр.