ЕСЕНИН ГОРТАС

«Видза олан, чужанінӧй,
Видза олан, муса мамӧй!
Бара локті тіян дінӧ
Аслам руӧн, аслам сямӧн.

Тӧндзи кытшовті Европа
И Америкаын вӧлі,
Сӧмын гортын бурджык сё пӧв,
Сӧмын тані шойччӧ сьӧлӧм.

Сӧмын тані кӧка асыв
Менӧ мӧдлапӧлӧ корӧ.
Сӧмын гортса кыддза расын
Анябиӧн тырӧ морӧс.

Тан тальянка — лэчыд гӧлӧс —
Бара меным бӧрдас-сьылас.
Гашкӧ, тані буретш вӧлі
Да и эм на муса нылӧй?..

Мыйла эськӧ-й мен Парижыс?
Мыйла эськӧ-й мен Москваыс?
Эг мӧй вермы тані гижны?
Эз мӧй тырмы вӧрыс-ваыс?

Видза олан, чужанінӧй!
Видза олан, муса мамӧй!
Бара локті тіян дінӧ
Аслам руӧн, аслам сямӧн».