* * *

Ӧзйы, ӧзйы, югыд кодзув,
Енэж дзибсьыс эн на усь,
Ӧд и войнас лэбӧ водзӧ
Турдӧм нюрысь еджыд юсь.

Менам тані олан гажӧй,
Ставыс мойд и ставыс збыль.
Аслам керка ён на важыс,
Пилӧн регыд кыптас выль.

Мед и джоджӧй гортын дзуртӧ
Да оз бырлы нянь да сов.
Кыті ытшка, сэті-й курта,
Йӧзлӧн нинӧмыс оз ков.

Ӧзйы, ӧзйы, югыд кодзув,
Инды енэжыслысь шӧр.
Юсьыс коркӧ ытва водзын
Чужан муас локтас бӧр.