ПОЖӦМА ЯГ

Мыськӧма Ен вежа ванас
Пожӧма ягыслысь бан.
Кокниа лолавсьӧ тані,
Лӧсьыда мӧвпавсьӧ тан.

Подулас — томиник пуяс,
Быдмас и наысь ён вӧр.
Лӧсялас батьяслӧн муыс,
Некод жӧ тӧвсьыс оз пӧр.

Гашкӧ нӧ, пуясыс тайӧ —
Кусыньтны вермытӧм йӧз?
Кужӧны водзсасьны найӧ,
Сійӧн и енэжыс лӧз.

Сійӧн и быдмӧны водзӧ
Пармаын мича ныв-пи,
Корсьӧны ассьыныс кодзув,
Югыдлань нуӧдысь би.