АСЛАНЫМ МУ

Асьным бӧрйим тайӧ мусӧ,
Кодӧс шоныдӧн он шу.
Медся дона, медся муса
Лунӧ бана чужан му.

Нэмсӧ олам няньӧн-солӧн,
Сӧстӧм ванас кылӧдам.
Нэмсӧ сьылам кыпыд лолӧн
Биа-бордъя «Шондібан».

Ӧта-мӧдысь вежавидзам,
Век на оласногным шань.
Лёксьыс, Ен сыкӧдӧн, видзӧ
Шондібана Зарни Ань.

Век на зілям, ылӧдз кылам,
Бурӧн сьӧлӧмъясным тыр.
Варышпиа, чужмӧр ныла,
Некор Комиыс оз быр.