КАНЬЛӦН СЬЫЛАНКЫВ

Муніс велӧдчыны Вань,
Ӧтнас гортӧ колис кань,
Бӧрйис аслыс ӧшинь выв,
Сьылӧ татшӧм сьыланкыв:

«Менам ёртӧй — ичӧт Вань,
Ёна жӧ и сійӧ шань.
Менсьым шыльӧдӧ век мыш,
Кӧть и овла прамӧй дыш.
Ворсӧ мекӧд дзик быд лун,
Оз кӧ пӧчысъясӧ мун.
Кынӧм сюмалӧм ог тӧд,
Юрсянь бӧжӧдз быд лун пӧт.
Ог и тӧдлы — кольӧ лун,
Сэтшӧм менам чӧскыд ун.
Эг на кывлы мисьтӧм кыв,
Лёк кӧ вӧлі — тадз эг сьыв».
Лӧсьыд жӧ и ӧшинь выв,
Лӧсьыд жӧ и сьыланкыв!