ВАНЬ ДА КАНЬ

Олӧ-вылӧ ичӧт Вань,
Сылӧн ёртыс — ичӧт кань.
Вуграсьны кӧ Ваньӧ мунӧ,
Каньыс бӧрсяньыс жӧ сунӧ,
Чери берег вылӧ шляп —
Каньыд сійӧс пыр и тшап!
Кыкӧн ветлӧны и вӧрӧ,
Тшакныс дозйӧ ӧдва тӧрӧ.
Кыкӧн котрӧдлӧны мач,
Ваньӧ скач, и каньыс скач.
Мультик кыкнанныслы муса,
Оз и водны, он кӧ кусӧд.
Чӧскыд кыкнанныслӧн ун,
Узясны кӧть куим лун.
Ваньӧс видыштӧны кӧть и,
Весиг пӧдушканыс ӧти.

Олӧ-вылӧ ичӧт Вань,
Сылӧн ёртыс — ичӧт кань.