ГЫН САПӦГ

Ичӧт вокӧй лыддьӧ-арталӧ,
Мыйта босьтӧма нин «пять».
Нырагезсӧ уна гартӧма,
Дӧмлӧ гын сапӧгъяс бать.

Кӧть и воккӧд зэв на ичӧтӧсь,
Кужам ворсны сӧмын ми,
Батьным шуӧ: «Нолтӧ, видзӧдӧй,
Сэсся асьныд дӧмсьӧй ті.

Гашкӧ, онджык кутӧй чашйыны,
Петлас кианыд кӧ гадь»...
Быттьӧ скӧр, а эськӧ вашъялӧ,
Эськӧ шань зэв миян бать.

Дас кык арӧссянь пӧ, висьталӧ,
Шыла-емтӧ тӧдӧ ки.
Мый кӧть шу, а таво кисьтам на
Ӧти гын сапӧгтӧ ми.