МИЧА ТШАК

«Вотӧй тшак! Вотӧй тшак!» —
Горзӧ кык шоркостса яг.
Ветлӧй, челядь, зіля вотчӧй,
Ягыс матын, сикткӧд орччӧн.
Тіян вотӧмӧн оз быр,
Сэні тшакыд юр выв тыр.

Петшӧралӧмысь на полі,
Сэтчӧ первойысь кор волі.
Сэки кык шоркостса яг
Сетіс вывті мича тшак:
Гӧрд да уна еджыд чута,
Весиг жаритны эг кутӧй.

Сэсся некор гажа яг
Мен эз козьнав татшӧм тшак.
Челядьлы пӧ сӧмын сюрӧ,
Коді вӧрсӧ тӧдӧ бура.
Ветлӧй, корӧ гажа яг,
Гашкӧ, сюрас мича тшак?