ЫДЖЫД ӦШИНЬЯСА ШКОЛА

Ӧшинювса пелысь биа розъя,
Тільгун шыа школа дорса йӧр.
Уна жыръя югыд, шоныд позйӧ
Лэбачпиян локталісны бӧр.

Припев:
Ыджыд ӧшиньяса школа
Некор паметьысь оз вун.
Мортӧн лоны сэтчӧ волім
Уна во да уна лун.

Улич тырнас кыпыд дзользьӧм кылӧ,
Верстьӧ йӧз, а радлам челядь моз,
Быттьӧ гажа тулыс кильчӧ вылӧ
Моздор тырыс ваяліс льӧм роз.

Припев.

Эськӧ нэмыс челядь туйӧ олім,
Да оз овлы, буракӧ, тай сідз.
Аттьӧ тэныд ставсьыс, дона школа,
Вай и водзӧ челядь рутӧ видз.

Припев.